Fréttir

Dagana 19. og 20. febrúar nk. er vetrarfrí hér hjá okkur í Varmárskóla. Skóli hefst svo að nýju mánudaginn 23. febrúar samkvæmt stundaskrá.

Í síðustu viku sýndu 6. bekkir Varmárskóla afrakstur sinn í samþættu verkefni sem samanstóð af verkefnum úr upplýsingatækni, samfélagsfræði, dansi, myndmennt og heimilisfræði á Norðurlandakvöldi. Hver bekkur bauð aðstandendum til að koma á kynningu. Nemendur höfðu útbúið fræðslu um Norðurlöndin sem þau kynntu fyrir gestum. Að lokinni kynningu dönsuðu nemendur færeyskan dans og fengu gestin með sér út á gólfið. Því næst var gestum boðið upp á glæsilegar veitingar sem nemendur og heimilisfræðikennari hafa undirbúið í vetur og þemað var að sjálfsögðu Norðurlöndin. Myndir frá kvöldunum má sjá á myndasíðu okkar.

Bolludagur er á mánudaginn 16. febrúar. Þá mega nemendur mega koma með bollu í skólann til að borða í nestinu. Öskudagur er síðan miðvikudaginn 18. febrúar. Þetta er öðruvísi skóladagur og nemendur og starfsfólk mæta í búningum í skólann. Vetrarfrí verður svo fimmtudaginn 19. og föstudaginn 20. febrúar. Skóli hefst að nýju mánudaginn 23. febrúar.

Nemendur og starfsfólk Varmárskóla gerðu sér glaðan dag 30. janúar síðastliðinn með því að hafa sérstakan náttfatadag. Nokkrir bekkir fengu einnig að koma með sparinesti og að horfa á skemmtilega kvikmynd í tilefni dagsins. Myndir á myndasíðu

Að þessu sinni fjalla Halla Karen Kristjánsdóttir og Hjalti Kristjánsson um mikilvægi hreyfingar í daglegu lífi. Hvernig komum við hreyfingu og heilbrigðum lífsháttum inn í daglegt líf barna og unglinga sem endist þeim út alla ævina? Hverjar eru ykkar venjur og hvað stýrir þeim? Er hreyfing og heilbrigðir lífshættir hluti af daglegum venjum fjölskyldunnar? Varpað verður fram hugmyndum að gæðastundum fyrir fjölskylduna og leiðum til heilbrigðari lífsstíls. Fyrsta opna hús ársins hjá Skólaskrifstofu Mosfellsbæjar verður haldið miðvikudaginn 28. janúar klukkan 20:00 í Listasal Mosfellsbæjar, sjá nánar hér .

Í lok haustannar tókum við okkur smá frí frá byrjendalæsinu og rifjuðum upp gamla takta í PALS-inu . Það hefur gengið mjög vel og eru krakkarnir virkilega áhugasamir og duglegir að vinna eftir þessari skemmtilegu lestraraðferð. Allir hafa sinn PALS félaga sem þeir skiptast á að lesa fyrir og verkefni þeirra er að leiðrétta hvorn annan og hvetja. Virkilega flott gert hjá krökkunum.

Þriðja tölublað Varmártíðinda var að koma út. Þar má lesa um Skólaþing, aðventuboð fimmtu bekkinga, bekkjarkvöld hjá 4-ÁH, söngstarf kórsins og margt margt fleira.

Skólastarf í Varmárskóla hefst að ný þriðjudgaginn 6. janúar 2015 samkvæmt stundarskrá. Athygli er vakin á að mötuneytið verður ekki opið þessa vikuna vegna viðgerða. Nemendur þurfa því að hafa með sér nesti þessa daga. Mælst er til að nestið krefjist ekki að þurfa upphitunar þar sem ekki eru fjöldi grilla eða örbylgjuofna í boði og hætta á að langar raði myndist hjá nemendum.

Kæru nemendur, foreldrar, samstarfsaðilar og aðrir velunnarar.Við óskum ykkur gleðilegra jóla og farsældar á komandi ári. Sjáumst á nýju ári þann 6. janúar samkvæmt stundartöflu. Starfsfólk mætir þann 5.janúar kl. 8:15 í Lágafellsskóla í sameiginlega dagskrá á starfsdegi skólanna.

Hefð er fyrir því hjá okkur fyrir jólin að nemendur í 6. bekk semji jólasögur. Að venju voru voru margar frábærar sögur frá þeim og fengu tólf þeirra viðurkenningar og síðan voru þrenn verðlaun veitt fyrir bestu sögurnar. Að þessu sinni fengu Cecilía Rán Rúnarsdóttir, Sverrir Jónsson og Tómas Helgi Snorrason verðlaun. Þessar sögur voru síðan lesnar fyrir nemendur 5. bekkjar á sal