Fréttir eftir mánuðum

Föstudaginn 28. október fór Skólakór Varmárskóla í Hörpu og söng á 60 ára afmælistónleikum Tónmenntarkennarafélags Íslands. Það voru 53 félagar af mið- og unglingastigi kórsins sem komu fram auk 17 hljóðfæraleikara úr Skólahljómsveit Mosfellsbæjar sem sáu um undirleik, alls 70 börn og unglingar sem öll stóðu sig mjög vel. Þessi glæsilegi hópur vakti eftirtekt tónleikagesta sem troðfylltu Norðurljósasal Hörpu til að hlýða á tónlistaratriði frá 15 grunnskólum. Rúmlega 90 félagar taka þátt í starfi Skólakórs Varmárskóla í vetur.

Börnin í 4. JV fengu valtíma í dag 28. okt. og máttu koma með dót og spil að heiman. Margir mættu í einhverju bleiku, því það var flottur föstudagur og þemað var bleikt og slaufur. Börnin skemmtu sér mjög vel.

Hægt er að skoða myndir á myndasíðunni.

Börnin í 3. HLB fóru í útikennslustofuna Vin 27. október í blíðskaparveðri. Krakkarnir stóðu sig vel og skemmtu sér konunglega. Þau unnu íslenskutengd verkefni, sérnöfn og samnöfn og einnig stærðfræðitengd verkefni, fjöldi og stærðir.

Í lokin fengu allir sér sólberjate. Hægt er að skoða myndir á Myndasíðunni okkar.

Mánudaginn 24. október fengu nemendur í 9. og 10. bekk að kynnast ljóðskáldinu Steini Steinarri þegar félagarnir Svavar Knútur söngvaskáld og Aðalsteinn Ásberg skáld heimsóttu skólann. Fluttu þeir fyrir okkur skemmtilega dagskrá um Stein sem kallast: Með hugan fullan af hetjudáðum.

Kæru foreldrar

Opið hús Skólaskrifstofu Mosfellsbæjar sem vera átti miðvikudaginn 26. október færist til fimmtudagsins 3. nóv og verður haldið í Hlégarði í samvinnu við foreldra í Mosfellsbæ...

Skólahlaup UMSK var haldið á föstudaginn 14. okt í Mosfellsbæ. Mikil og góð þátttaka var í hlaupinu en á sjöundahundrað keppendur tóku þátt.

Nokkrir krakkar í 6. bekk fóru í heimsókn á Eirhamra um daginn.

Við erum með samstarfsverkefni í gangi á milli 6. bekkjar í Varmárskóla, Eirhamra og Rauða krossins.

Nemendur í 3.bekk hafa verið að vinna tilraunir í vísindasmiðju. Þau voru að læra um hvaða hlutir fljóta í vatni og hverjir ekki. Nemendur voru duglegir og áhugasamir og ekki ólíklegt að í þessum hópi leynast framtíðar vísindamenn (sjá fleiri myndir á myndasíðu).

Frá og með miðvikudeginum 19.október til og með föstudeginum 21.október verða nemendur Varmárskóla í fríi vegna starfsdags og vetrarfrís. Skóli hefst aftur samkvæmt stundatöflu mánudaginn 24.október.

Þriðjudaginn 4.október bauðst leik- og grunnskólanemum á tónleika hjá Pollapönki í Álafosskvosinni. Nemendur í 1. - 5.bekk Varmárskóla fjölmenntu og skemmtu sér hið besta eins og sjá má á myndum af viðburðinum. Sjá myndir á myndasíðu.

Á fallegum haustdegi fór myndmenntahópur úr 2.bekk út að teikna. Í framhaldi máluðu börnin flottar myndir af hausttrjám. Sjá nánar á myndasíðu.

Aðalfundur foreldrafélagsins var haldinn fimmtudagskvöldið 6.október. Á þeim fundi afhenti foreldrafélagið Varmárskóla tvær veglegar gjafir.

Nemendur í 3. HLB voru að týna rusl á skólalóðinni í blíðskaparveðri í dag. Nú er skólalóðin orðin hrein og fín. Fleir myndir af hópnum á myndsíðunni.