Fréttir eftir árum

Skólanum verður slitið við hátíðlega athöfn í íþróttahúsinu, miðvikudaginn 7. júní sem hér segir: 4.-6. bekkur klukkan 10:00 7.-9. bekkur klukkan 11:00 1.-3. bekkur klukkan 12:00 Foreldrar eru hvattir til að mæta með börnum sínum. Frístundasel er opið frá kl. 13:00 þennan dag fyrir þau börn sem þar eru skráð. Athugið að útskrift 10. bekkja er þriðjudaginn 6. júní, klukkan 19:30.

Glærur frá hinum stórskemmtilega og afar fróðlega fyrirlestri Páls Ólafssonar um jákvæð samskipti frá súpufundinum þann 16. maí eru hér. Þar geta þeir fjölmörgu sem komu á fyrirlesturinn rifjað efni hans upp og þeir sem náðu ekki að koma geta kynnt sér glærurnar. Bryddað var upp á þeirri nýbreytni að halda aðalfund foreldrafélagsins við þetta tækifæri og stýrði formaður stjórnar foreldrafélagsins, Þórunn M. Óðinsdóttir, fundinum af mikilli röggsemi. Þetta var fjölmennasti aðalfundur foreldrafélags Varmárskóla í manna minnum. Það er gaman að upplifa að stjórn foreldrafélagsins hefur gildi skólans að leiðarljósi í starfi sínu en þau eru virðing, jákvæðni, framsækni og umhyggja. Jákvæðnin í garð skólans, samvinna við stjórnendur og umhyggjan fyrir nemendum og starfsfólki er aðdáunarverð. Við hlökkum til áframhaldandi samvinnu við alla forráðamenn á næstu misserum, þar sem við vinnum í sameiningu að enn jákvæðari samskiptum og enn jákvæðari umræðu um skólann til að tryggja nemendum farsælt skólastarf.

Aðalfundur foreldrafélagsins var 16. maí og fundargerð má nálgast hér á heimasíðu skólans ásamt öðrum fundargerðum stjórnar í vetur.

. Varmárskóli, skólaráð og stjórn foreldrafélags skólans bjóða foreldrum skólans á afar áhugaverðan fyrirlestur um jákvæð og uppbyggileg samskipti. Páll Ólafsson félagsráðgjafi og fimm barna faðir heldur kynninguna og stýrir umræðum, en margir muna eflaust eftir því þegar hann hélt stórskemmtilega kynningu í Hlégarði fyrir nokkrum árum síðan. Páll hefur unnið í barnavernd í 16 ár. Hann hefur menntað sig í Uppbyggingarstefnunni og mun út frá henni fara yfir mikilvægi góðra samskipta og þá sérstaklega við börnin okkar. Páll kemur inn á forvarnir, mikilvægi samstöðu foreldra og sameiginlega ábyrgð heimilis og skóla. Við lofum líflegum og áhugaverðum fyrirlestri um málefni sem skiptir okkur öll máli. Súpa verður borin fram og fundargestum gefst tækifæri til að ræða saman og kynnast betur. Hvetjum alla foreldra til að koma og eiga góða stund með okkur á sal eldri deildar.

Miðvikudaginn 3. maí fóru börnin í 4 ÁH í heimsókn á Bókasafn Mosfellsbæjar. Börnin fengu fræðslu um bókasafnið og þau lærðu hvernig á að leita að bókum. Þau unnu verkefni, lásu síðan bækur, spiluðu og tóku þátt í getraun. Myndir

Undanfarnar þrjár vikur hefur Tommy danskur kennari frá Viborg verið að kenna dönsku hér í Varmárskóla. Hann hefur lagt áherslu á 9. og 10. bekk hjá Thelmu og 7. og 8. bekk hjá Kristjönu, þannig náum við að fá nýjar hugmyndir fyrir alla árganga sem við getum báðar nýtt okkur áfram. Tommy talar bara dönsku í tímunum og hafa krakkarnir tekið vel á móti honum og sýnt áhuga. Hann mun vera með okkur út þessa viku. Hann er hér í boði Danska menntamálaráðuneytisins.

Í næstu viku ætlar leiklistarhópur úr eldri deild að sýna afrakstur vetrarins sem er verk sem heitir Ýkt kominn yfir þig. Fyrrum nemandi skólans Hreindís Ylva Garðarsdóttir Holm hefur verið að leikstýra hópnum. Hún mælir sérstaklega með þessari sýningu fyrir þá sem voru í Gaggó Mos og langar í smá nostalgíu. 10. bekkur og stiginn góði koma við sögu! Sýningar verða: Þriðjudaginn 25. apríl kl. 20.00 Miðvikudaginn 26. apríl kl. 18.00 Miðvikudaginn 26. apríl kl. 20.00 Allur ágóði miðasölu rennur til Dropans, styrktarfélags bara með sykursýki. Endilega kíkið á krakkana!

Sumardagurinn fyrsti er á morgun fimmtudaginn 20 apríl og frí í skólanum. Gleðilegt sumar!

Laus störf næsta skólaár 2017-2018 Forstöðumaður frístundasels - tómstundafræðingur óskast til að stýra frístundaseli skólans. Um er að ræða 100% stöðu. Deildarstjóri verkefna á yngsta og miðstigi - um er að ræða yfirumsjón með sérkennslu á yngsta og miðstigi sem og önnur verkefni sem til falla - 100% stöðuhlutfall. Óskað er eftir aðila með reynslu að stjórnun og menntun á sviðið sérkennslu. Viðkomandi þarf að vera flinkur í mannlegum samskiptum og tilbúinn til að fara ótroðnar slóðir. Kennarar óskast á unglingstig, miðstig og yngsta stig.

Þriðjudaginn 4. apríl komu nemendur 4. bekkjar úr Krikaskóla í heimsókn til nemenda 4. bekkja í Varmárskóla. Nemendum beggja skóla var skipt í 4 blandaða hópa. Nemendur fóru á fjórar stöðvar og hver hópur var 20 mínútur á hverri stöð. Stöðvarnar voru: Dans, bókasafn, leiðsögn um skólann og spil í stofu 6. Allir voru glaðir og ánægðir með þessa heimsókn.