Fréttir

Vegna verkfallsboðunar Eflingar og VR hjá rútufyrirtækjum föstudaginn 22. mars 2019 (frá miðnætti til miðnættis) mun allur skólaakstur falla niður í Mosfellsbæ þó með þeirri undantekningu

Undanfarna daga hafa staðið yfir æfingar og annar undirbúningur fyrir Vorhátíðina í yngri deildinni. Afraksturinn verður sýndur á fjórum sýningum, tvær sýningar verða í dag miðvikudag og tvær á morgun. Fyrri sýningin hvorn dag byrjar klukkan 16:30 og sú seinni klukkan 18:00. Mikilvægt er að nemendur mæti 20 mínútum fyrir þá sýningu sem þeir taka þátt í. Rétt er að vekja athygli á að skólakórinn kemur fram á öllum sýningum

Fimmtudaginn 21.mars keppir Varmárskóli í Skólahreysti. Keppt er í hraðabraut, upphífingum, hangi, armbeygjum og dýfum. Þeir sem keppa fyrir hönd skólans eru þau Egill Steingrímur Árnason, Emma Sól Jónsdóttir, Brynjar Óli Liljuson og Kristín Gyða Davíðsdóttir.

Nú stendur yfir kosning um hvaða barnabók, gefin út árið 2018, hlýtur Bókaverðlaun barnanna 2019. Á bókasafni yngri deildar hangir uppi veggspjald sem sýnir allar þær bækur sem kjósa má um. Það er hægt að fá kjörseðla á bóksafninu, og þangað má líka skila þeim.

Innritun í grunnskóla Mosfellsbæjar fyrir skólaárið 2019-2020 fer fram í gegnum Íbúagátt Mosfellsbæjar. Innritun 6 ára barna sem hefja grunnskólagöngu haustið 2019 fer fram frá 10. mars til 30. mars. Innritun í frístundasel og mötuneyti 6 ára barna og nýrra nemenda vegna skólaársins 2019-2020 verður auglýst sérstaklega síðar.

Því miður fellur skíðaferðin sem fara átti í dag niður vegna veðurs í Bláfjöllum.

Það var mikið líf og fjör í skólanum í dag í tilefni öskudagsins. Alls kyns kynjaverur áttu leið um gangana, kötturinn var sleginn úr tunnunni og dansað á sal undir leiðsögn nemenda úr eldri deildinni.

Miðvikudaginn 27. febrúar verður þriðja opna hús vetrarins á vegum fræðsluskrifstofu Mosfellsbæjar. Að þessu sinni verður fyrirlesturinn haldinn í Framhaldsskóla Mosfellsbæjar og hefst kl. 20:00.

Nemendur í 8. KH unnu að verkefni um draumabæinn sinn og hér má sjá þeirra framtíðarsýn.

Í tilefni af kærleiksvikunni ræddu nemendur í 2.bekk um kærleika. Allir gerðu 2 hjörtu og skrifuðu falleg orð á þau. Einnig gerðu þau "hjartalaga" vinasögu, sem þau lásu fyrir bekkinn.