Fréttir

Skólaslit í Varmárskóla verða með eftirfarandi hætti:

6.júní 2012

7. - 9. bekkur kl. 11:30-12:00 í stofum hjá umsjónarkennurum

1.-2. bekkur kl. 16:00 í hátíðarsal Varmárskóla

3. - 4. bekkur kl. 16:30 í hátíðarsal Varmárskóla

5.- 6. bekkur kl. 17:00 í hátíðarsal Varmárskóla

7.júní 2012

10. bekkur kl. 20:00 í salnum eldri deild

Mánudaginn 4. júní fór 9. bekkur í skálaferð ásamt umsjónarkennurum sínum.

Farið var í Hrannarskála í Skálafelli. Ferðin var einkar skemmtileg og vel heppnuð. Verðrið var frábært og þess vegna var hópurinn úti mest allan daginn, fór í fjallgöngur og ýmsa leiki. Um kvöldið voru borðaðar pylsur og síðan var haldin kvöldvaka, farið út og síðan horft á video. Allir skemmtu sér mjög vel og krakkarnir okkar voru skólanum svo sannarlega til sóma. Myndir frá ferðinni eru inná myndasíðu  9.bekkur -Skálaferð

Laugardaginn 2. júní var haldið upp á 50 ára afmæli Varmárskóla. Nemendur og starfsfólk skólans tók á móti gestum í báðum skólahúsunum og auk þess fór glæsileg dagskrá fram í íþróttahúsinu að Varmá. Eins og sjá má á myndasíðunni okkar var margt í boði á afmælishátíðinni. Nemendur í 10. bekk kynntu lokaverkefni sín og gestum bauðst að skoða myndir úr sögu skólans og námsefni liðinna ára. Nemendur héldu glæsilega tískusýningu og danssýningar fóru fram í báðum deildum skólans. Einnig tók skólinn á móti grænfánanum í fyrsta sinn og er að því leyti frumkvöðull á meðal stofnanna í Mosfellsbæ. Í íþróttahúsinu spilaði Skólahljómsveitin og kór skólans frumflutti nýjan skólasöng svo eitthvað sé nefnt.

Á afmælishátíð skólans skipulögðu 5-bekkirnir ratleik um skólann. Þátttaka nemenda og foreldra voru afar góð og skemmtu þau sér konunglega við að leysa hinar ýmsu þautir eins og að sippa, þræða nál, búa til orðakeðju, byggja hús ofl. Ræst var tvisvar  út í leikinn. Í fyrri keppninni unnu leikinn Óliver, Elín Elísabet, Dagný, Magnús og Kristján. Í seinni keppninni unnu: Kolfinna Iðunn, Kári, Elísa, Anna og feðurnir Atli og Níels. Kunnum við nemendum og aðstandendum þakkir fyrir góða og drengilega keppni.

Við þökkum þeim sem heimsóttu okkur kærlega fyrir komuna.

Myndir frá hátíðinni eru á myndasíðunni undir - Afmælishátíð.

Föstudaginn 25.maí tóku 5.bekkirnir þátt í hreyfileikunum. Þeir voru í útivist og einnig settu þau niður kartöflur í fyrrum skólagörðunum sem skólinn hefur fengið til afnota í sumar. Myndir frá deginum eru á myndasíðunni undir 5.bekkur-hreyfileikarnir.

Á hreyfileikunum fóru börnin í 2. bekk í dans, víðavangshlaup og ýmsa leiki í Vin. Þetta var skemmtilegur dagur sem allir höfðu gagn og gaman af. Sjá myndir á myndasíðunni okkar undir 2.bekkur - hreyfileikar.

Föstudaginn 25.maí voru haldnir hreyfileikar í yngri deild Varmárskóla. Fjórðu bekkirnir fóru í ratleik, tóku þátt í frjálsíþróttakeppni og enduðu á víðavangshlaupi. Myndir frá þessum skemmtilega degi má sjá undir 4.bekkur - hreyfileikar á myndasíðunni okkar.

Þriðjudaginn 29.maí komu Kiwanismenn með hjálma að gjöf fyrir nemendur 1.bekkinga. Elín hjúkrunarfræðingur sagði krökkunum frá mikilvægi hjálmanotkunar og hvað geti gerst ef ekki er notaður hjálmur. Elín notaði egg til að sýna hvað hjálmur getur varið höfuðið vel. Krakkarnir fylgdust vel með og höfðu mikið við þetta að bæta. Myndir eru á myndasíðunni: 1.bekkur fær hjálma.

Varmárskóli fagnar 50 ára afmæli sínu laugardaginn 2. júní. Allir bæjarbúar eru hvattir til að fagna með okkur á þessum tímamótum og njóta skemmtilegrar dagskrár þar sem boðið er upp á fjölbreyttar sýningar, leikrits og tónleika. Verið velkomin á glæsilega afmælishátíð.

Margir eru farnir að huga að námskeiðum fyrir börnin í sumar. Á síðunni hér til hægri er tengill á rafrænan bækling þar sem hægt er að skoða tilboðin. Bækingurinn má einnig finna með því að smella hér.

Fimmtudaginn 24.maí var móttaka tilvonandi 1.bekkinga. Nemendur koma ásamt foreldrum sínum. Þeim var skipt upp í hópa, fengu sér hressingu og skoðuðu skólann. Foreldrar fengu eyðublöð til að fylla út vegna bekkjarskipta. Ákveðið var á fundinum með foreldrum að láta hverfisskiptingu ganga fyrir. Á myndasíðunni eru myndir: heimsókn 5 ára.