Fréttir

Varmárskóli hringdi skólabjöllum klukkan 13:00 í tilefni dags gegn einelti. Í dag verður undirritaður þjóðarsáttmáli um jákvæð samskipti, sjá síðuna www.gegneinelti.is. Forsætisráðherra er verndari átaksins og munu velferðarráðherra, fjármálaráðherra og mennta- og menningarmálaráðherra undirrita sáttmálann fyrir hönd ríkisstjórnarinnar.

Nemendur í  4. bekk í Varmárskóla fengu góða heimsókn frá Rauða krossinum föstudaginn 4. nóvember. Erla Traustadóttir framkvæmdastjóri hjá Kjósarsýsludeild Rauða krossins kynnti starfið og fatasöfnun sem nú er í gangi.

Nú þegar svartasta skammdegið fer að skella á þykir rétt að minna aftur á mikilvægi endurskinsmerkja fyrir gangandi vegfarendur í umferðinni. 

Fimmtudaginn 27. október sl. var haldið Hrekkjavökuball í eldri deild skólans fyrir nemendur í 7. - 10. bekk. Nemendur í nemendafélaginu sáu um að skreyta skólan og nemendur í 10. bekk höfðu útbúið mjög svo hryllilegt draugahús sem vakti mikla lukku. Mjög góð mæting var á ballið og voru nemendur duglegir að mæta í mis hryllilegum búningum eins og myndirnar bera með sér.

Í dag fimmtudaginn 3. 11. fóru nemendur í 4. JV í útikennslustofuna Vin. Þar unnu börnin verkefni, fóru í ratleik þar sem þurfti að svara spurningum úr íslensku, stærðfræði, náttúrufr. og samfél. og útbjuggu samlokur sem voru grillaðar á eldinum.

Að lokum komu allir saman og drukku heitt kakó og gæddu sér á nýgrilluðum samlokum. Tíminn gekk mjög vel og börnin voru til fyrirmyndar. Hægt er að skoða myndir á myndasíðunni okkar.

Föstudaginn 28. október var bangsadagur/bleikur dagur hjá nemendum í 2.bekk. Flest börnin komu í náttfötum og með bangsa af öllum stærðum og gerðum. Allir skemmtu sér konunglega. Fleiri myndir má sjá á myndasíðunni undir 2.bekur-bangsadagur.

Foreldrar, kennarar og skipuleggjendur íþrótta- og æskulýðsstarfs - samstíga eflum við umhverfi barna og unglinga í Mosfellsbæ. Fræðslukvöld í Hlégarði, fimmtudaginn 3. nóvember kl. 19.30. Allir velkomnir!

Föstudaginn 28. október fór Skólakór Varmárskóla í Hörpu og söng á 60 ára afmælistónleikum Tónmenntarkennarafélags Íslands. Það voru 53 félagar af mið- og unglingastigi kórsins sem komu fram auk 17 hljóðfæraleikara úr Skólahljómsveit Mosfellsbæjar sem sáu um undirleik, alls 70 börn og unglingar sem öll stóðu sig mjög vel. Þessi glæsilegi hópur vakti eftirtekt tónleikagesta sem troðfylltu Norðurljósasal Hörpu til að hlýða á tónlistaratriði frá 15 grunnskólum. Rúmlega 90 félagar taka þátt í starfi Skólakórs Varmárskóla í vetur.

Börnin í 4. JV fengu valtíma í dag 28. okt. og máttu koma með dót og spil að heiman. Margir mættu í einhverju bleiku, því það var flottur föstudagur og þemað var bleikt og slaufur. Börnin skemmtu sér mjög vel.

Hægt er að skoða myndir á myndasíðunni.

Börnin í 3. HLB fóru í útikennslustofuna Vin 27. október í blíðskaparveðri. Krakkarnir stóðu sig vel og skemmtu sér konunglega. Þau unnu íslenskutengd verkefni, sérnöfn og samnöfn og einnig stærðfræðitengd verkefni, fjöldi og stærðir.

Í lokin fengu allir sér sólberjate. Hægt er að skoða myndir á Myndasíðunni okkar.