Fréttir

Innkaupalistar má finna hér.

Nýir nemendur eru boðnir velkomnir í sérstaka nýnemaheimsókn mánudaginn 22.ágúst kl. 13:00. Nemendur hitta umsjónarkennara í anddyri skólanna. Hér er ekki átt við nemendur í 1.bekk sem eru að hefja grunnskólanám og hafa fengið kynningu á vorönn.

Nemendur og starfsmenn áttu skemmtilega útivistardaga í lok skólaársins. Við klifum fjöll, fórum í fjöru, óðum í fossum, vötnum og ám. Við fórum á Þingvöll, einnig í skemmtigarð og í sund.

Skólaslit 1. - 9.bekkjar fóru fram föstudaginn 3.júní. Að venju var endað með gleði úti þar sem fjölmargar stöðvar voru í gangi. Má þar nefna trommur, sápukúlur, anditsmálun, útileiki margvíslega og sápufjör hjá eldri deildinni. Dagurinn tókst vel og enduðum við með pylsuveislu.

Miðvikudaginn 1. júní fór útskrift 10.bekkjar fram í sal eldri deildar. Þórhildur skólastýra flutti ræðu, nemendur skólans sáu um tónlistaratriði og formaður nemendafélags sagði nokkur orð. Mosfellskórinn kom og söng nokkur vel valin lög sem og Skólahljómsveit Mosfellsbæjar spilaði nokkur lög undir stjórn Daða Þórs Einarssonar stjórnanda.

Unglingarnir hafa verið duglegir á útivistardögum Varmárskóla. Tíundi bekkur fór í skólaferðalag norður í land en sjöundi, áttundi og níundi bekkur hafa látið ýmislegt til sín taka. Myndir frá þessum dögum eru á myndasíðunni undir möppunni unglingar og vordagarnir.  

Á miðvikudaginn 25. maí komu verðandi 1. bekkur i heimsókn í skólann ásamt foreldrum sínum. Gleðin og spenningurinn skein úr andlitum þeirra. Velkomin í Varmárskóla. Hægt er að sjá fleiri myndir á myndasíðunni.

Fimmtudaginn 26.maí kynntu nemendur 10.bekkjar lokaverkefni sitt fyrir foreldrum og áhugasömum gestum. Verkefnin voru unnin á síðastliðnum tvemur vikum. Þemað var heimabyggðin og voru verkefni nemenda fjölbreytt og glæsileg. Verkefnin spönnuðu sögu bæjarins, fyrirtæki, stofnanir, íþrótta og tómstundatilboð í Mosfellsbæ. Spurning hvort hér séu komnir framtíðar kynningarstjórar Mosfellsbæjar.

Myndir eru á myndasíðu skólans

Dagana 23. og 25. maí fóru nemendur 10.bekkjar í heimsókn á Skólaþing. Þar gafst nemendum tækifæri á að setja sig í spor Alþingismanna í gegnum hlutverkaleik, fræðast um starfsemi Alþingis og hvernig lög verða til. Skemmst er frá því að segja að nemendur stóðu sig mjög vel og fengu bæði lof frá kennurum og starfsmönnum Skólaþings.

Myndir frá heimsókninni eru á myndasíðu skólans.

Miðvikudaginn 11 maí ákvað 8.HÍ að gera sér dagamun. Bekkurinn hittist við Varmárskóla og þar var sameinast í bíla og lá leiðin síðan í Nauthólsvík. Þar tóku starfsmenn Sigluness á móti hópnum og buðu upp á kennslu og siglingu á kajökum. Var þetta hin besta skemmtun eins og sjá má á meðfylgjandi myndum.

Nokkrir nemendur úr 6. bekk fóru í heimsókn í dag á Eirhamra. Krakkar úr Varmárskóla og Lágafellsskóla hafa farið í heimsókn á Eirhamra í vetur.