Fréttir

Fimmtudaginn 7. apríl var íþróttadagur í eldri deild Varmárskóla. Keppt var m.a. í kókosbolluáti, fótboltakeppni, reiptogi, sápubraut og boðhlaupi á milli bekkja og endað á pizzuveislu.

Nemendum í 3.-bekk BI var boðið að heimsækja sælgætisverksmiðju Nóa-Síríus miðvikudaginn 6 apríl sl.  Þar voru öll tæki og tól skoðuð og börnin fengu m.a. að sjá hvernig páskaegg eru búin til (sjá myndir á myndasíðu).

Þann 26.mars sl. fóru tveir kennarar og sjö nemendur úr 10. HMH í Varmárskóla til Ventspils í Lettlandi til að taka þátt í verkefninu "Start with your self".  

Varmárskóli tók þátt í lífshlaupinu dagana 2. - 22. febrúar 2011. Nemendur og starfsmenn voru hvattir til að hreyfa sig og skrá niður alla hreyfingu. Nemendur Varmárskóla lentu í 3. sæti í sínum flokki og erum við himinlifandi að lenda enn og aftur á verðlaunapalli en það hefur verið raunin hjá okkur síðan 2008!

Bergþór Pálsson söngvari og "lífskúnstner" flutti fyrirlestur sinn um kurteisi og borðsiði fyrir foreldra og nemendur í 6.bekk þriðjudaginn 29.mars sl.

Nemendur í 6. bekk hafa verið í samstarfi með  6. bekk í Lágafellsskóla,  Kjósarsýsludeild Rauða krossins og Eirhömrum, þjónustuíbúðum aldraðra í Mosfellsbæ að brúa bilið milli yngri og eldri borgara Mosfellsbæjar.

Nýverið var haldin stærðfræðikeppni fyrir grunnskólanemendur úr Grafarvogi, Árbæ, Norðlingaholti og Mosfellsbæ. Stærðfræðikennarar við Borgarholtsskóla stóðu fyrir keppninni. Verðlaunaafhending var á þriðjudag og hlutu sjö nemendur úr Varmárskóla verðlaun.

Jákvæð sálfræði - leiðir til að finna og næra styrkleika hjá börnum og unglingum er síðasta opna hús Skólaskrifstofu Mosfellsbæjar þetta skólaárið.

Flottur föstudagur var í Varmárskóla í dag. Nemendur og starfsfólk mætti með mottu eða bleika slaufu í tilefni átaki krabbameinsfélagsins. Myndir frá deginum eru á myndasíðunni.

Börnin í 5. bekk hafa verið að safna fyrir ABC barnastarfið. Þau gengu í hús í Mosfellsbænum og eru búin að vera ótrúlega dugleg að fylla dósirnar sínar. Þetta árið ætlum við að gefa það sem safnast til Kenía til að byggja upp skóla þar.