Bergþór Pálsson kom í heimsókn með fyrirlestur

Fjölmargir sáu sér fært að mæta og að fyrirlestri loknum áttu foreldrar og nemendur góða stund saman þar sem bragðað var af sameiginlegu hlaðborði.

Varmárskóli hlaut fjárstyrk úr Sprotasjóði Mennta- og menningarmálaráðuneytisins til þess að vinna að fjölþættu þróunarverkefni skólaárið 2010-2011. Verkefnið sem nefnist
"Sameinuð stöndum við" tengist heimilisfræðikennslu 6. bekkja Varmárskóla.

Þema verkefnisins er að þjálfa með nemendunum mikilvæg gömul gildi eins og virðingu, kurteisi og gestrisni og gefa foreldrum nemenda kost á að kynnast skólastarfinu betur gegnum verkgrein, í þessu tilfelli heimilisfræði.

Heimsókn Bergþórs Pálssonar var því hluti af þeirri fræðslu sem nemendur fá þegar kemur að hefðum og samverustundum með fjölskyldum og vinum.