Viltu hafa gaman í vinnunni - Varmárskóli leitar að frístundaleiðbeinendum í hlutastarf

Frístundaleiðbeinandi (hlutastarf)

Frístundaselið Tröllabær við Varmárskóla óskar eftir starfsfólki veturinn 2018-2019.

Frístundaleiðbeinendur taka þátt í skipulagningu faglegs frístundastarfs og leiðbeina börnum í leik og starfi í samvinnu við samstarfsfólk. Um hlutastörf er að ræða og vinnutími frá kl.13:00 – 17:00. Möguleiki er á styttri vinnutíma og staka daga. Umsækjendur þurfa að geta hafið störf frá og með 21.ágúst.

Markmið frístundaseljanna er að mynda heildstæða umgjörð um skóladag barnanna. Frístundaselin bjóða upp á margvísleg verkefni, t.d. íþrótta-, tómstunda-, lista- og menningarverkefni. Helstu áherslur í starfinu eru öryggi, útivist, hreyfing, fjölbreytni, tómstundir, íþróttir og vellíðan.

Helstu verkefni og ábyrgð

- Skipulagning á faglegu frístundastarfi fyrir 6-9 ára börn.
- Leiðbeina börnum í leik og starfi.
- Samráð og samvinna við börn og annað starfsfólk.
- Samskipti og samstarf við foreldra, starfsfólk skóla og aðra sem koma að frístundaselinu.

Hæfniskröfur

- Menntun eða reynsla sem nýtist í starfi.
- Áhugi á að vinna með börnum.
- Frumkvæði og sjálfstæði.
- Færni í samskiptum.

Í boði eru hlutastörf, 30% -50% eftir hádegi.
Hreint sakavottorð í samræmi við lög sem og reglur Mosfellsbæjar.

Laun samkvæmt kjarasamningi Sambands íslenskra sveitarfélaga og viðkomandi stéttarfélags. Upplýsingar veitir Ragnar Karl Jóhannsson í síma 847 4778. Umsóknir með upplýsingum um menntun, starfsreynslu og umsagnaraðila sendist rafrænt á netfangið
ragnarkarl@varmarskoli.is.