Útistundir fjölskyldunnar

Fyrsta opna hús vetrarins ber yfirskriftina Útistundir. Að þessu sinni er fyrirlesturinn í Lágafellsskóla miðvikudaginn 31. okt og hefst kl. 20:00.

Umræðuefnið er útivera fjölskyldunnar. Kynntar vera aðferðir sem veita fjölskyldum aukinn innblástur og hugmyndir að útivist. Þar á meðal er farið í gegnum hvernig fagna má einfaldleikanum í útilífi fjölskyldunnar og hvernig taka má fyrstu skrefin í að fjölga útistundum í daglegu lífi og heilbrigði fjölskyldunnar. Útistundir geta auðveldað og létt undir álagstíma fjölskyldunnar.

Fyrirlesararnir eru Anna Lind Björnsdóttir og Pálína Ósk Hraundal sem hafa tileinkað sér auknar útistundir fyrir sínar fjölskyldur í hversdagsleikanum. Anna Lind er með meistaragráðu í náttúrutengdri ferðaþjónustu. Hún hefur tekið þátt í að auka útivist barna í gegnum félagsstarf, hefur margra ára reynslu af útivist og hefur mikinn áhuga á útikennslu og útilífi fjölskyldunnar. Með sínum brennandi áhuga kveikir hún eldmóð í brjósti samferðafólks. Pálína Ósk er annar höfundur Útilífsbókar fjölskyldunnar. Hún hefur margra ára reynslu í bæði kennslu og leiðsögn þar sem hún hefur notað ólíkar aðferðir til þess að styrkja jákvæða upplifun utandyra fyrir alla fjölskylduna. Með fjölbreyttar hugmyndir í pokahorninu deilir hún með okkur nýrri nálgunum og aðferðum til útivistar.

Sjá nánar fylgiskjal