Forseti Íslands í heimsókn á Forvarnardegi

Það var sönn ánægja fyrir nemendur og starfsfólk Varmárskóla að fá Guðna TH. Jóhannesson í heimsókn í gær. Það var gleði í hverju andliti og Guðna fagnað eins og rokkstjörnu, eins og meðfylgjandi myndir sýna.
Forvarnardagurinn 2019 var haldinn í flestum grunn- og framhaldsskólum landsins í gær. Forvarnardagurinn er haldinn á hverju hausti og er sjónum sérstaklega beint að unglingum í 9. bekk og á fyrsta ári í framhaldsskóla. Þar sem 9. bekkur Varmárskóla var í Þórsmörk þennan dag ræddi Guðni við nemendur í 10. bekk um forvarnir og mikilvægi æskulýðsmál, íþrótta og samveru fjölskyldunnar þegar kemur að vörnum gegn vímuefnum. Krakkarnir hlustuðu með athygli og fengu tækifæri til að spyrja forsetann nokkurra spurninga.