Vikufréttir Varmárskóla

Í þessari viku segjum við frá verkefni í tónmennt, vinnu með hlutverk og fundi skólaráðs, þá viljum við einnig minna á viðfangsefni sem hægt að dunda sér við í haustfríinu.

Nemendur 4.bekkjar voru í skemmtilegu tónlistar og samvinnuverkefni í vikunni. Þeir fengu ýmis hljóðfæri í hendurnar og áttu að reyna að ná saman í takti. Það krefst mikillar einbeitingar og er ekki eins einfalt og það virðist við fyrstu sýn. Þá fengu nemendur að koma með hljóðfæri sem þeir spila á og kynna fyrir bekkjarfélögum sínum og líkin spiluðu þeir svo fyrir samnemendur og uppskáru mikla aðdáun.

Nefnd nemenda úr 5. gg 6. bekk fór í vinnu með okkur við að skilgreina hlutverk nemenda og starfsfólks í matsalnum. Þar komu fram ýmsar ábendingar frá nemendum sem okkur langar að verða við og höfum þegar sett í athugun. Með þessu viljum við einnig höfða til þeirra um að  taka meiri ábyrgð á eigin hegðun og sýna meiri tillitssemi í matsalnum.

Skólaráð Varmárskóla átti sinn fyrsta fund í morgun. Þetta skólaárið eru eftirfarandi aðilar fulltrúar í skólaráði:

Árni Jónsson og Sigurjón Norberg Kjærnested eru fulltrúar foreldra

Örvar Birkir Eiríksson og Harpa Dóra Guðmundsdóttir eru fulltrúar kennara

Ágústa Ragnarsdóttir er fulltrúi almennra starfsmanna skólans

Haukur Kristinn Atlason og Júlíana Rún Árnadóttir eru fulltrúar nemenda

Jóna Benediktsdóttir, skólastjóri stýrir fundum skólaráðs

Á fundinum í morgun var gerð starfsáætlun fyrir skólaráðið, farið yfir helstu verkefni vetrarins og lagðar fram tillögur að fulltrúa nærumhverfis.

Þá minnum við á að næsti skóladagur er fimmtudagurinn 28.október. 25. og 26. er vetrarfrí og 27. Er skipulagsdagur starfsmanna.  Mosfellsbær býður upp á margskonar afþreyingu í vetrarfríinu sem betur er kynnt á facebooksíðu skólans.