Vikufréttir Varmárskóla 17.maí 2024

Helstu fréttir af vinnu nemenda þessa vikuna eru af ferðum 5.bekkjar á bæjarskrifstofuna og af lokahátíð Litlu upplestrarkeppninnar hjá 4.bekk.

Hluti af verkefnum 5.bekkjar í útkennslu er að læra um sveitarfélagið sitt og hvernig byggð hefur þróast. Lokaverkefni í því er að heimsækja bæjarskrifstofurnar og fá fræðslu um stjórnsýsluna.

Lokahátíðir Litlu upplestrarkeppninnar hjá 4. bekk voru haldnar í vikunni. Litla upplestrarkeppnin er sérstakt verkefni í 4.bekk sem hefur að markmiði að æfa upplestur og framkomu og það hafa nemendur Varmárskóla sannarlega gert að undanförnu með dyggri aðstoð kennaranna sinna.  Foreldrar komu með veitingar og úr varð glæsileg hátíð.  Við vorum mjög stolt af því hversu vel tókst til. Nokkrar myndir frá hátíðinni fylgja hér með og hlekkur á smá söng sýnishorn er á. https://www.youtube.com/watch?v=vertmRw9wT0

Skólaárið 2024-2025 ætlum við að gera tilraun með að hafa valgreinar eftir hádegi á föstudögum hjá 5. og 6. bekk. Nemendur þessara árganga fengu kynningu á verkefninu í dag og valblað með sér heim sem á að skila á fimmtudag í næstu viku. Með þessu viljum við auka fjölbreyttni  og gleði í skólastarfinu. Við erum sannfærð um að ef nemendur hafa eitthvað að segja um viðfangsefni sín sinni þeir þeim af meiri áhuga.

Við fengum ekki góðar fréttir af stöðu mála í kjallaranum hjá okkur, þar hefur nú greinst meiri raki. Tvær stofur þar hafa ekki verið í notkun í vetur og næsta vetur munum við ekki heldur nota heimilisfræðistofuna. Við reynum að finna eins góðar lausnir og mögulegt er fyrir skólastarfið í þessum aðstæðum. Foreldrar fengu sérstakan póst um þetta í dag.

Framundan er löng helgi og svo starfsdagur á þriðjudag þannig að nemendur mæta næst í skólann miðvikudaginn 22. janúar.

Hafið það gott um helgina

Kveðja

Starfsfólkið í Varmárskóla