Mánudagur 26.ágúst

Það var ótrúlega gaman að að sjá skólann fyllast af krökkum og eftirvæntingin var sannarlega talsverð hjá mörgum og þá sérstaklega nemendum 1.bekkjar.

Við erum að prófa okkur áfram með nýtt fyrirkomulag í mötuneytinu í hádeginu. Það voru smá byrjunarörðugleikar í skömmtun og elstu nemendurnir þurftu að bíða meðan þeir yngri voru að klára en þetta mun allt slípast til hjá okkur.  Núna er maturinn í skólanum foreldrum að kostnaðarlausu og við vonum að allir nýti sér það. Það er alltaf hægt að velja um að borða bara hluta af aðalrétti, fá bara meðlæti eða sleppa meðlæti og oftast er líka bæði brauð og ávextir og svo er kokkurinn okkar alltaf með einhverjar leynibirgðir í eldhúsinu þannig að enginn ætti núna að þurfa að koma með nesti. 

Við gerum ráð fyrir að árlegur Felladagur Varmárskóla verði miðvikudaginn 28.ágúst. Veðurspáin er mjög góð fyrir þennan dag og við hlökkum til. Gangan á fellin er ekki bara til gamans gerð, svona gönguferðir efla samkennd og kenna krökkum að þeir geti gert erfiða hluti sem er mjög mikilvægt. Umsjónarkennarar senda foreldrum upplýsingar þar sem þær eru mismunandi eftir árgöngum.

Við minnum svo á að engir nemendur Varmárskóla eru nógu gamlir til að vera á rafmagnshlauphjólum samkvæmt nýjum reglum sem kynntar eru á vef Samgöngustofu https://island.is/rafmagnshlaupahjol.