Vikufréttir Varmárskóla 13.desember 2024

Það styttist í jólafrí og þó að við höfum reynt að hafa skólastarfið sem mest í föstum skorðum er alltaf eitthvað smávegis gert til tilbreytingar á þessum tíma. Flestar hurðar í skólanum eru orðnar fagurlega skreyttar og við erum búin að setja upp jólatré í aðalanddyri skólans. Margir skrifa jólasögur, læra um allskonar jólasveina, bæði gamla og nýja og gera eitt og annað tengt þessari hátíð. Uppáhald flestra í íþróttum, tarsanleikurinn var á sínum stað í vikunni og myndabandsbútur þaðan er á facebook síðunni okkar, þar er alltaf sama gleðin. 3.bekkur var að æfa Hlöðudans og þar var nú einbeitingin í fullum gangi. Youtube var eitthvað að stríða okkur svo ekki tókst að hlaða upp myndbandinu af dansinum en það kemur vonandi seinna. 1.bekkur kemur alltaf á sal á föstudögum og tekur söngstund. Það er alltaf mjög skemmtilegt og krakkarnir voru einstaklega fallegir í morgun.

Foreldrar fengu sendar upplýsingar um ávaxtabita í dag og mikilvægt er að allir verði rétt skráðir eftir áramótin. Næsta vika er síðasta vikan fyrir jólafrí og við endum hana á jólaskemmtun. Foreldrar hafa fengið skipulagið sent heim.

Við hvetjum ykkur til að muna eftir lestrinum þó að spenningurinn fari vaxandi og minnum líka á að jólasamveran er tilvalin til að sameina það að styrkja fölskylduböndin og æfa sig í allskonar gagnlegu þar sem fullorðnir og börn leika sér saman.

Hafið það gott um helgina

Starfsfólkið í Varmárskóla