Fréttir eftir árum

Sendum ykkur innilegar jóla- og nýárskveðjur og þökkum samstarfið á árinu sem er að líða. Á nýju ári mætir starfsfólk til vinnu föstudaginn 3. janúar, en kennsla hefst samkvæmt stundaskrá mánudaginn 6. janúar.

Sú hefð hefur skapast í Varmárskóla í desember að nemendur skreyta hurðina á umsjónarstofum sínum. Óhætt er að segja að sjaldan hefur verið jafn mikið lagt í skreytingarnar eins og þetta skólaárið. Að venju var skipuð dómnefnd til að skera úr um hvaða hurðir báru af þetta árið.

3.BI og 3.KP fóru í ljósagöngu í Vin í morgun í yndislegu veðri. Þar voru sagðar draugasögur, sungin jólalög, kakó hitað yfir opnum eldi og smákökur borðaðar. Á myndinni er verið að ylja sér við eldinn og bíða eftir að kakóið verði nógu heitt.

Skóladegi allra nemenda (bæði yngri- og eldri deildar) lýkur kl 13:30. Skólabílar fara heim kl 13:30. Frístund lokar kl 15:00 og foreldrar verða vera búnir að sækja börnin fyrir þann tíma. Tilmæli Almannavarna eru að fólk ætti ekki að vera á ferli eftir kl. 15:00 nema brýn nauðsyn beri til.

Í Mosfellsbæ mun skóla-, frístunda og félagsmiðstöðvastarf raskast frá hádegi á morgun, þriðjudaginn 10. desember vegna óveðurs sem spáð er að gangi yfir höfuðborgarsvæðið. Enginn ætti að vera á ferli eftir klukkan 15 á morgun nema brýn nauðsyn beri til.

Okkur er umhugað um öryggi nemenda og starfsfólks og viljum því tilkynna um hertar reglur varðandi aðgengi fullorðinna að nemendum og starfsfólki á skólatíma. Foreldrum og öðrum gestum ber að ganga inn um aðaldyr skólans og gefa sig fram við ritara og tilnefna ástæðu heimsóknar, sé ritari ekki við verður að óska eftir stjórnanda inn á starfsmannagangi.

Jólabingó Varmárskóla verður í eldri deild skólans laugardaginn 30. nóv. kl 11. Að venju eru glæsilegir vinningar í boði. Nemendur í 10. bekk sjá um veitingasölu og rennur ágóði í ferðasjóð. Rétt er að benda á að einungis er hægt að greiða með peningum.

Sjálfboðaliðar Rauða krossins aðstoða börn í 1-10. bekk á þriðjudögum klukkan 14:00-15:30 í Bókasafni Mosfellsbæjar. Öll börn eru velkomin foreldrum og kennurum barna með námsörðugleika og barna sem hafa íslensku sem annað tungumál er sérstaklega bent á að þarna gefst upplagt tækifæri til þess að læra heima og fá aðstoð eftir þörfum.

Vegna óska stjórnar foreldrafélags Varmárskóla verður fyrirhuguðum kynningarfundi um framkvæmdir í Varmárskóla sem vera átti þann 31. október færður til 21. nóvember kl. 18.00.