Fréttir eftir árum

Skólanum var formlega slitið fimmtudaginn 6. júní. Að þessu sinni var sameiginleg dagskrá fyrir 1.-9.bekk á skólalóðinni í blíðskapar veðri.

Skólar á grænni grein er alþjóðlegt verkefni til að auka umhverfismennt og styrkja umhverfisstefnu í skólum. Þeir skólar sem vilja komast á græna grein í umhverfismálum leitast við að stíga skrefin sjö en þau eru: 1. Umhverfisnefnd starfar við skólann. 2. Mat á stöðu umhverfismála. 3. Áætlun um aðgerðir og markmið. 4. Eftirlit og endurmat. 5. Námsefnisgerð og verkefni. 6. Að upplýsa og fá aðra með. 7. Umhverfissáttmáli skólans.

Líf og fjör á síðustu dögunum fyrir sumarfrí. Farið var m.a. í bæjarferðir, gönguferðir og fengist við ýmis viðfangsefni.

Dagana 3.-5. júní verða uppbrotsdagar og kennsla því með óhefðbundnum hætti. Skóladagurinn hefst samkvæmt venju kl 8:10 en lýkur kl 13:00. Skólabíllinn fer kl 13:10. Mánudaginn 3. júní er útivistardagur og einhverjir fara í ferðir aðrir nýta nánasta umhverfi skólans til útiveru. Það er e.t.v. rétt að minna á sólarvörnina.

Danssýningin á miðvikudaginn var heppnaðist vel í alla staði og sýndu nemendur bæði frumsamda dansa og hópdansa. Áhorfendapallar voru þéttsetnir og fengu nemendur góða hvatningu.

Þriðjudaginn 28. maí kl. 18:00 mun Margrét Lilja Guðmundsdóttir frá Rannsókn og greiningu fara yfir niðurstöður úr könnuninni ,,Ungt fólk 2019“ sem nemendur í 8.-10. bekk taka árlega þátt í. Fundurinn verður í Hlégarði og eru allir sem láta sig málefni barna- og unglinga í Mosfellsbæ varða hvattir til að mæta.

Sunnudaginn 26. maí sýnir leiklistarval Varmárskóla söngleikinn Footloose í Bæjarleikhúsinu. Aðeins verða tvær sýningar í boða þ.e. kl 16:00 og 19:00. Aðgangseyrir er 1000 kr fyri fullorðna, 500 kr fyrir börn á grunnskólaaldri en frítt fyrir yngri börn.

Nemendur í 4.-6. bekk bjóða upp á danssýningu í íþróttahúsinu miðvikudaginn 29. maí kl 17:30. Allir velkomnir og aðgangur ókeypis

Valið fyrir skólaárið 2019 - 2020 fer fram rafrænt á val.varmarskoli.is dagana 17. - 23. maí 2019. Forráðamenn fá lykilorð send í tölvupósti fyrir hádegi 17. maí nk.

Þann 4. maí fóru fram afmælistónleikar Skólakórs Varmárskóla. Guðmundur Ómar hefur stýrt kórnum frá upphafi eða frá árinu 1979 og eru því komin 40 ár! Tónleikarnir voru hinir glæsilegustu og komu fram gamlir kórfélagar eða nemendur Guðmundar Ómars sem heiðruðu hann og kórinn. Mæting var mjög góð og fulltrúi frá foreldrafélagi Varmárskóla afhenti heiðursverðlaun foreldrafélagsins til Guðmundar Ómars. Jafnframt fékk hann viðurkenningu frá Mosfellsbæ fyrir frábært starf.