Fréttir

Foreldrar / forráðamenn eru beðnir að sækja börn sín í lok skóla eða frístundastarfs. Eru þeir hvattir til að fara ekki af stað sökum veðurs séu þeir ekki á vel útbúin, frekar þá að bíða af sér veðrið. Börn eru óhult í skóla og frístundastarfi þar til þau verða sótt. Hér er átt við börn yngri en 12 ára. Nánari upplýsingar eru á shs.is og á Facebook ( Slökkviliðs höfuðborgarsvæðisins bs og Lögreglan á höfuðborgarsvæðinu).

Vetrarfrí verður í Varmárskóla mánudaginn 20. febrúar og þriðjudaginn 21. febrúar. Frístundaselið verður einnig lokað á mánudeginum en opið á þriðjudag fyrir þá nemendur sem voru skráðir í tíma. Skóli hefst miðvikudaginn 22. febrúar samkvæmt stundartöflu.

Miðvikudaginn 22. febrúar klukkan 20:00 er komið að þriðja opna húsi vetrarins hjá Skólaskrifstofu Mosfellsbæjar og haldið að venju í Listasal Mosfellsbæjar. Gengið er inn að austan þ.e. þeirri hlið sem snýr að KFC.

Í dag er 1.bekkur búinn að vera 100 daga í skólanum. Við héldum upp á daginn með ýmsum skemmtilegum uppákomum.

Nú styttist í hinn stórskemmtilega landsleik Allir lesa og eru foreldrar sérstaklega hvattir til að mynda lið með börnunum sínum. Gott væri ef þið gætuð komið þessum upplýsingum á framfæri við foreldra barna í skólanum. Bæði er hægt að skrá þann tíma sem hver og einn liðsmaður les sjálfur og einnig má skrá tíma sem lesinn er fyrir börnin, bæði á þann sem les og þann sem hlustar. Þegar börn lesa fyrir foreldra gildir hið sama, tíminn skráist á báða aðila. Lið samanstanda af þremur eða fleiri liðsmönnum og má skrá allan aldur, jafnvel nokkurra daga gömul kríli geta verið mikilvægir liðsmenn. Börn og fullorðnir verja æ meiri tíma fyrir framan skjái og því er tilvalið að byrja árið á því að verja meiri tíma í yndislestur. Landsleikurinn varir frá 27. janúar til 19. febrúar og allir geta myndað lið, eða keppt sem einstaklingar. Skráning er hafin á allirlesa.is en þar er einnig að finna frekari upplýsingar um leikinn. Einnig má sjá upplýsingar um framtakið hér á vef Heimilis og skóla: http://www.heimiliogskoli.is/laesi/allir-lesa-landsleikur-i-lestri/

Nemendur í 9. og 10.bekk hafa undanfarið verið að vinna að þemaverkefnum. 9. bekkur hefur verið að búa til tímarit, þar sem þau skrifa greinar, búa til auglýsingar, skoðanakönnun og taka viðtal, allt á dönsku. Krakkarnir hafa unnið þetta í pörum. Í 10.bekk eru krakkarnir að búa til sinn eigin veitingastað. Allt frá pysluvagni yfir í 5 stjörnu veitingastað. Þau búa til líkan af staðnum, auglýsingu, velja húsgögn, búa til matseðla og umsóknareyðublað fyrir umsækjendur, einnig allt á dönsku. Mjög skapandi og skemmtileg hópavinna.

Ný stjórn hefur nú tekið til starfa hjá Foreldrafélagi Varmárskóla og er þannig skipuð: Þórunn M. Óðinsdóttir formaður, Elísabet Jónsdóttir varformaður og ritari, Elín María Jónsdóttir gjaldkeri, Jón Þór Ragnarsson og Sigríður Ingólfsdóttir skólaráðsfulltrúar og Árný Elva Ásgrímsdóttir meðstjórnandi. Fundagerðir stjórnar má finna hér á heimasíðunni: http://www.varmarskoli.is/foreldrar/foreldrafelag/

Þann 25. janúar n.k. mun Skólaskrifstofa Mosfellsbæjar bjóða foreldrum allra nemenda á unglingastigi í Lágafells- og Varmárskóla uppá fræðslu um kvíða barna og unglinga. Í fyrirlestrinum mun Anna Sigurðardóttir sálfræðingur fjalla um eðli og einkenni kvíða og hvernig foreldrar geti brugðist við ef einkenna verður vart. Í desember sl. hélt Anna sambærilegan fyrirlestur fyrir unglingana og í kjölfarið fengum við álit þeirra á ýmsum atriðum er varða almenna heilsu og líðan, bæði í skólanum og utan hans. Á fyrirlestrinum þann 25. janúar munum við kynna fyrir ykkur helstu niðurstöður þeirra umræðna sem eru afar áhugaverðar. Fyrirlesturinn verður haldinn í sal Lágafellsskóla og hefst kl. 19:30.

Miðvikudaginn 25. janúar er starfsdagur og er því frí hjá nemendum þann dag. Frístundasel verður einnig lokað.

Í vetur hefur verið skákkennsla í 4.bekk. Kennari er Sóldís Björk Traustadóttir. Sótt var um styrk til Skáksambands Íslands um að fá að taka þátt í verkefninu "Skák eflir skóla - kennari verður skákkennari" og fékk skólinn inn í það verkefni.