Fréttir

Hið árlega skólahlaup UMSK var haldið á Varmárvelli í dag. Nemendur í 4. -7. bekk úr skólum af sambandssvæði UMSK tóku þátt og tókst hlaupið með ágætum.

Skólasetning verður þriðjudaginn 23. ágúst með eftirfarandi hætti: Brúarland - nemendur verða boðaðir í viðtal með forráðamönnum, tímasetningar verða sendar út. Varmárskóli 1. bekkur verður boðaður i viðtöl hjá umsjónarkennurum 2. bekkur kl. 09:00 í hátíðarsal yngri deildar 3. bekkur kl. 09:30 í hátíðarsal yngri deildar 4. bekkur kl. 10:00 í hátíðarsal yngri deildar 5. bekkur kl. 11:00 í hátíðarsal yngri deildar 6. bekkur kl. 11:30 í hátíðarsal yngri deildar 7. bekkur kl. 12:00 á sal eldri deildar 8. bekkur kl. 10:00 á sal eldri deildar 9. bekkur kl. 10:30 á sal eldri deildar 10. bekkur kl.11:00 á sal eldri deildar

Foreldrar/forráðamenn athugið. Mikilvægt er að sækja um mötuneyti við Varmárskóla sem fyrst. Sé óskað eftir að nemendur verði í mötuneyti og/eða ávaxtabita í vetur skal sækja um fyrir 1. september. Umsóknir sem berast eftir það, munu taka í gildi 1. október. Aðrar breytingar sem gerðar verða í vetur þurfa að berast fyrir 20. hvers mánaðar til að taka í gildi mánuðinn á eftir. Allar umsóknir og síðari breytingar á umsóknum fara í gegnum Íbúagátt Mosfellsbæjar.

Gagnalistar (innkaupalistar) eru komnir inn á heimasíðuna. Þá má finna undir nemendur - gagnalistar.

Skólanum var að þessu sinni slitið við hátíðlega athöfn í Íþróttahúsinu Varmá. Skólakórinn söng nokkur lög, nemendur skólans fluttu fallega tónlist og síðan kom að kveðjuræðum skólastjóranna. Að því loknu afhentu umsjónarkennarar nemendum sínum vitnisburð vetrarins í heimastofum. Starfsfólk þakkar fyrir frábæran vetur og megið þið eiga gleðilegt sumar. Myndir

Það var glæsilegur hópur nemenda sem útskrifaðist frá Varmárskóla þriðjudaginn 7. júní við hátíðlega athöfn á sal skólans. Flutt voru ávörp skólastjóra, nemenda, kennara og foreldra og veittar viðurkenningar fyrir góða frammistöðu í námi og starfi. Nemendur, foreldrar og starfsfólk áttu ánægjulega stund saman. Foreldrar sáu um veitingar og aðstoð í eldhúsi og eru þeim færðar bestu þakkir fyrir. Við óskum nemendum velfarnaðar og þökkum þeim fyrir samveruna. Myndir á myndasíðu

Endilega kíkið á myndasíðu skólans en þar er nú fullt af nýjum myndum frá skólastarfinu síðustu daga. Veðrið hefur leikið við okkur á útivistardögum og krakkarnir staðið sig frábærlega.

Skólaslit Varmárskóla fara fram með tvennum hætti. Útskrift 10.bekkjar fer fram þriðjudaginn 7.júní kl. 20:00 í sal eldri deildar Varmárskóla. Skólaslit 1. - 9.bekkja fara fram 8. júní í Íþróttahúsinu að Varmá.

Skólakórinn okkar var með velheppnaða vortónleika á dögunum. Krakkarnir í kórnum stóðu sig öll mjög vel. Þess má geta að þau eru á leið í söngferðlag til Spánar í sumar og það verður spennandi að fá fregnir af þeirri ferð. Myndir frá tónleikunum eru á myndasíðu.

Nemendur 4. bekkja fóru að hlusta á Sinfóníuhljómsveit Íslands í Hörpu. Þar flutti hljómsveitin verkið Eldfuglinn fyrir fullan sal af grunnskólanemendum víðsvegar af höfuðborgarsvæðinu. Nokkrar myndir frá ferðinni eru á myndasíðu skólans.