Fréttir

Vetrarfrí verður í Varmárskóla 20. - 21. október og mánudaginn 24. október verður starfsdagur. Skóli hefst aftur þriðjudaginn 25. október 2016.

Við vorum svo heppin að fá tilboð um að fara í Salinn í Kópavogi og sjá þar brúðuleikhús-Pétur og úlfinn. Krakkarnir kynntust þessari sögu og tónlistinni í Byrjendalæsi í 1. bekk. Allt gekk að óskum og allir skemmtu sér hið besta. Við tókum nokkrar myndir við þetta tækifæri sem sjá má á myndasíðunni.

Tilmæli um viðbrögð foreldra/forráðamanna barna í skólum og frístundastarfi Slökkvilið höfuðborgarsvæðisins (SHS) hefur veirð falið af sveitarfélögunum á svæðinu að fylgjast með veðri og veðurspám og senda út tilkynningar ef á þarf að halda, eftir atvikum í samráði við lögreglu og fræðsluyfirvöld.

Nemendur 8.bekkja í Varmárskóla hafa verið að vinna fuglahús það sem af er hausti. Húsin eru unnin sem hópverkefni og smíðuð í þágu skólans. Nemendur hafa lagt mikla vinnu í fuglahúsin en þau eru sérstaklega hönnuð svo auðvelt sé að fylgjast með varpi í þeim og stunda fuglaskoðun markvisst í nágrenni skólans. Allt efni í húsin var gefið af Skógræktinni og efnið fengið frá Mógilsá. Þessa dagana eru nemendur að hengja þau upp í nágrenni skólans og útivistarsvæðinu í kringum Varmána

Þann 7. október var dótadagur hjá 4 ÁH. Börnin skemmtu sér konunglega við spilamennsku, léku sér með rafmagnsbíla og margt fleira. Myndir má finna á myndasíðunni.

Kynningafundir á niðurstöðum könnunar sem Rannsókn og greining gerði á lýðheilsu nemenda úr 8. - 10. bekk og fram fór í grunnskólunum á vorönn 2016. Kynningin er ætluð foreldum barna í 5.-10. bekk svo og öðrum áhugasömum um lýðheilsu ungs fólks í Mosfellsbæ. Fundurinn hefst kl. 08:15 og stendur í eina klukkustund. Í boði verður kaffi og rúnstykki frá kl. 08:00 Hvetjum foreldra eindregið til að mæta. Fundirnir verða í Varmárskóla fimmtudaginn 13. október kl. 8:15 og í Lágafellsskóla föstudaginn 14. október kl. 8:15.

Krakkarnir í 3. bekk voru að vonum glaðir þegar þeir fóru í kartöflugarðinn sinn. Uppskera þeirra var mjög fín þetta haustið og fóru þeir sælir aftur í skólann þar sem þeir gæddu sér á kartöflum sínum með smjöri og salti. Myndir eru á myndasíðu.

Þriðjudaginn 27. september verður fræðslufundur fyrir foreldra nemenda í 1. bekk. Fundurinn verður frá 17.00-19.00 og verður boðið upp á tvo frábæra fyrirlestra. Annarsvegar er það Andrea Anna læsisráðgjafi hjá Menntamálastofnun sem verður með fyrirlestur er nefnist "Barnið mitt, barnið okkar. Samvinna er lykill að velferð þess". Hinsvegar er það Vanda Sigurgeirsdóttir lektor við Menntavísindasvið Háskóla Íslands sem ætlar að ræða um samskipti, samvinnu og forvarnir gegn einelti.

Krummahópur í 1. bekk er nú í myndmennt. Í vikunni máluðu þau barbapabba og fleiri fígúrur. Myndir af þessum dugnaðarforkum má sjá á myndasíðunni.

Á degi íslenskrar náttúru 16. september 2016 fékk Varmárskóli afhentan Grænfánann í þriðja sinn. Nemendur söfnuðust úti við flaggstangir skólans, tóku á móti Grænfánanum og fögnuðu ásamt starfsfólki skólans.