Fréttir

Kynningarfundur/ opið hús verður haldinn í Brúarlandi fimmtudaginn 7.apríl kl. 18:00-20:00. Verðandi foreldrar barna í 1. og 2.bekk á næsta skólaári eru sérstaklega hvattir til að koma og skoða skólasvæðið og hitta starfsfólk.

Mánudaginn 4. apríl komu nemendur 4. bekkjar úr Krikaskóla í heimsókn í Varmárskóla. Nemendum beggja skóla varr skipt í 4 blandaða hópa. Nemendur fóru á fjórar stöðvar og hver hópur var 20 mínútur á hverri stöð. Stöðvarnar voru: Dans, Bókasafn, Leiðsögn um skólann, Stofa 114 – spil. Nemendur Krikaskóla borðuðu síðan með nemendum Varmárskóla í mötuneyti eldri deildar og fóru síðan með þeim út í hádegisfrímínútur. Allir voru ánægðir með þessa heimsókn. Nokkrar myndir frá heimsókninni eru á myndasíðu.

Í valbók Varmárskóla má nálgast upplýsingar um fyrirkomulag valsins, hvaða valáfangar eru í boði og möguleika til að láta meta íþrótta- og félagsstarf til vals. Hver nemandi þarf að prenta út viðeigandi valblað, fylla það út og koma því til ritara eða námsráðgjafa. Einnig má leita til námsráðgjafa ef þörf er á frekari upplýsingum. Valbókin í flettiformi. Valblað 8.bekkur. Valblað 9. og 10.bekkur.

Varmártíðindi, fréttablað Varmárskóla kom út í dag. Meðal frétta er vel heppnuð Vorhátíð nemenda í 1. - 6.bekk, Upplestrarkeppni 7.bekkja, Skólahreysti, Vísindasafn og margt fleira. Einnig má lesa um að skólastarf hefst í Brúarlandi haustið 2016 og er það í fullum undirbúningi með bæjaryfirvöldum og starfsmönnum Varmárskóla. Það er því margt að gerast í Varmárskóla þessar vikurnar eins og fram kemur í fréttablaðinu.

Nemendur eldri deildar voru kallaðir á sal í dag þar sem stjórnendur veittu nokkrum nemendum viðurkenningar. Veittar voru viðurkenningar fyrir stóru upplestrarkeppnina, stærðfræðikeppni og Skólahreysti.

Fyrri hluti Vorhátíðar yngri deildar var í gær og heppnaðist mjög vel. Nemendur stóðu sig frábærlega, atriðin fjölbreytt og skemmtileg. Sjá má nokkrar myndir frá hátíðinni hér. Síðari hlutinn verður svo í kvöld miðvikudaginn 16. mars.

Vorhátíð nemenda 1. - 6.bekkja Varmárskóla fer fram þriðjudaginn 15. og 16. mars á tveimur sýningum hvorn daginn. Í boði er söngur, leikrit, dans og fleira skemmtilegt. Inngangseyrir er kr. 500 fyrir fullorðna, frítt fyrir börn. Veitingasala verður á staðnum en ekki er tekið við kortum.

Fimmtudaginn 10. mars fór lokahátíð Stóru upplestrarkeppninnar í Mosfellsbæ fram í hátíðarsal Varmárskóla. Að þessu sinni fór Varmárskóli með sigur af hólmi en Bjarni Kristbjörnsson úr 7.EJÚ hlaut fyrstu verðlaun. Í öðru sæti varð svo Hálfdan Árni Jónsson úr 7.HK. Í öðru sæti varð svo Hálfdan Árni Jónsson úr 7.HK, einnig úr Varmárskóla. Í þriðja sæti varð Bengta Kristín Methúsalemsdóttir 7.MLG úr Lágafellsskóla. Aðrir keppendur Varmárskóla voru þær Emma Sól Jónsdóttir, Margrét María Marteinsdóttir og Cecilia Rán Rúnarsdóttir og stóðu þau sig öll með miklum sóma. Fengu gestir að hlusta á keppendur flytja brot út sögunni Flugan sem stöðvaði stríðið eftir Bryndísi Björgvinsdóttur og ljóð eftir Guðmund Böðvarsson auk þess sem nemendur fluttu sjálfvalin ljóð. Skólakór Varmárskóla söng nokkur lög og tvær stúlkur spiluðu á píanó. Við í Varmárskóla óskum öllum krökkunum bæði úr Varmárskóla og Lágafellskóla innilega til hamingju með frábæran árangur og þökkum fyrir ánægjulegt kvöld. Á myndasíðunni má sjá myndir frá þessu hátíðlega kvöldi. Þau Marína Björk Halldórsdóttir úr 7.FFE, Helga Stefánsdóttir úr 7.FFE og Magnús Gunnar Gíslason úr 7.FFE hlutu viðurkenningar fyrir myndskreytingar á dagskrá keppninnar.

Nú hefur verið opnað fyrir tilnefningar til Foreldraverðlaunanna 2016 en síðasti skiladagur er 27. apríl. Hægt er að senda inn tilnefningar hér: http://www.heimiliogskoli.is/foreldrastarf/foreldraverdlaun/tilnefning-til-foreldraverdlauna-heimilis-og-skola/ Einnig er hægt að tilnefna sérstaklega til dugnaðarforkaverðlauna: http://www.heimiliogskoli.is/foreldrastarf/foreldraverdlaun/tilnefning-dugnadarforkur/ Markmið Foreldraverðlauna Heimilis og skóla er að vekja athygli á því gróskumikla starfi sem fer fram innan leik-, grunn og framhaldsskóla, og þeim mörgu verkefnum sem stuðla að öflugu og jákvæðu samstarfi heimila, skóla og samfélagsins. Foreldraverðlaun eru veitt til eins verkefnis/viðfangsefnis. Heimili og skóli – landssamtök foreldra standa fyrir Foreldraverðlaunum en samtökin sjálf, stjórn eða starfsfólk tilnefna ekki verkefni, heldur vinnur dómnefnd úr innsendum tilnefningum. Niðurstöður dómnefndar byggjast á greinargerðum og rökstuðningi þeirra aðila sem tilnefndu

Við gerð skóladagatalsins 2016-17 verða þessa niðurstöður hafðar í huga. Vetrarleyfi inn á skólaárinu flýtir skólabyrjun og seinkar skólalokum, en ef vetrarleyfi er sleppt getur skóli hafist seinna að hausti og verið búinn fyrr að vori. Niðurstöður má sjá hér.