Fréttir

Nemendur í 10. bekk hafa verið að læra um hjarta og blóðrás í líffræði. Í kjölfarið var unnið með kindahjörtu, þau krufin, skoðuð, vigtuð, mæld í bak og fyrir, sýni tekin og skoðuð í smásjám sem víðsjám. Í samvinnu við eldhús/starfsfólk skólans var nemendum verkefnisins boðið upp á steikt lambahjörtu sem góður rómur var gerður að og kunnum við starfsfólki eldhúss hinar bestu þakkir fyrir. Nemendur vorueinstaklega áhugasamir, tóku þátt og unnu samviskusamlega að verkefnum sínum.

Kynningafundur verður haldinn í Varmárskóla þann 24. janúar kl. 8:15 á niðurstöðum könnunar sem Rannsókn og greining gerði á högum og líðan nemenda úr 5. -7. bekk og fram fór í grunnskólunum á vorönn 2017. Kynntar verða niðurstöður varðandi líðan nemenda í skóla, samskipti, samveru við foreldra, svefnvenjur, tölvunotkun, og fleira er áhrif hefur á vellíðan ungmenna.

Venju samkvæmt tekur Varmárskóli þátt í hinu árlega Lestrarátaki Ævars vísindamanns. Átakið hófst þann 1. janúar og stendur til 1. mars. Í ár er nemendum í 8.-10. bekk í fyrsta sinn boðið að taka þátt í lestrarátakinu sem á því við allan skólann að þessu sinni. Lestrarátakinu er ætlað að hvetja nemendur til lesturs. Leyfilegt er að lesa hvaða bók eða tímarit sem er á hvaða tungumáli sem er. Einnig má skrá efni sem hlustað er á á hljóðbók eða sem lesið er fyrir nemendur. Hver og einn velur lesefni eftir eigin getu og þroska.

Kæru foreldrar í 5. árgangi. Við minnum á fundinn síðdegis með Vöndu Sigurgeirsdóttur á sal yngri deildar. Fundurinn hefst stundvíslega kl. 17.30 og er áætlað að honum ljúki kl. 19.00. Bestu kveðjur, Stjórnendur og umsjónarkennarar

English below. Hvassviðri gengur nú yfir höfuðborgarsvæðið og hefur Veðurstofa Íslands varað við veðri og er appelsínugul viðvörun í gangi. Vegna þessa höfum við virkjað tilkynningu 2. og hvetjum foreldra og forráðamenn barna að fylgja þeim til skóla. Röskun gerur orðið á skólabílum.

Við óskum nemendum okkar og foreldrum gleðilegra jóla og farsældar á komandi ári. Þökkum fyrir árið sem er að líða. Skóli hefst aftur 4. janúar 2018 samkvæmt stundaskrá. Starfsfólk Varmárskóla

Miðvikudaginn 29. nóvember klukkan 20 er komið að næsta opna húsi vetrarins hjá Skólaskrifstofu Mosfellsbæjar sem að þessu sinni verður haldið í Krikaskóla. Á opnum húsum er lögð áhersla á hagnýt ráð varðandi uppeldi og samskipti við börn og unglinga.

Miðvikudaginn 1. nóvember var bangsa- og náttfatadagur hjá 3. ÁH, í tilefni af alþjóðlega bangsadeginum sem var 27. október. Það komu margir gestir (bangsar) í heimsókn, bæði stórir og smáir. Þeir voru prúðir og stilltir. Börnin skrifuðu bangsasögu. Bangsadagurinn gekk mjög vel og allir skemmtu sér vel. Myndir

Í dag var síðasti dagur þemavinnunnar hjá okkur í Varmárskóla. Krakkarnir spreyttu sig á fjölbreyttum verkefnum inni og úti. Myndirnar segja meira en mörg orð.

Föstudaginn 27. október var hræðilegur föstudagur í Varmárskóla Þá sáust ýmsar furðuverur á kreiki í skólanum. Myndir frá 4. SBT eru á myndasíðu skólans.