Fréttir

Það voru margar skrýtnar verur á sveimi hjá 3. ÁH í dag. Það voru m.a. sjóræningi, bófi, uppvakningar, draugar, skrýtnar dúkkur og prinsessur. Allir voru sammála um að þetta væri skemmtilegur dagur.

Hér í Varmárskóla virkar símakerfið ekki eins og er. Látum vita um leið og það kemst í lag.

Fyrsta opna hús ársins hjá Fræðslu- og frístundasviði Mosfellsbæjar verður haldið miðvikudaginn 25. október klukkan 20:00. Að þessu sinni verður fyrirlesturinn haldinn í sal Lágafellsskóla.

Fyrirlesarinn Bjarni Fritzson heimsótti unglingana okkar í dag í tilefni af Geðheilsudeginum. Þetta er annað árið í röð sem haldið er upp á daginn fyrir unglinga bæjarins og að þessu sinni var áhersla lögð á að viðhalda góðri geðheilsu. Krakkarnir tóku virkan þátt og sýndu málefninu mikinn áhuga.

Það var skemmtilegt í kennslustund hjá 2.EDJ þegar nemendur voru í Byrendalæsi. Þá fengu þeir líka að spila veiðimann og leysa stafasúpu. Gaman gaman!

Mánudaginn 25. september er fræðsludagur grunnskóla og frístundar og munu skólarúturnar því ekki ganga þann dag.

Í byrjun september buðum við foreldrum nemenda í 7.-10. bekk velkomna á morgunfund í skólanum. Fór þar fram kynning á komandi skólaári þar sem meðal annars var farið yfir ástundun, forvarnir, námið, skólaferðalög, lestrarstefnu og fleira sem viðkemur skólastarfinu. Fundirnir voru vel sóttir og hafa til að mynda aldrei fleiri bekkjarfulltrúar boðið sig fram. Við erum afar þakklát fyrir það og hlökkum til samstarfsins.

Í gær þriðjdaginn 5. september fengu öll börn í 1. og 2. bekk í Mosfellsbæ afhend til eignar endurskinsvesti frá Heilsuvin, heilsueflandi samfélag í Mosfellsbæ í samvinnu við TM. Þetta er gjöf sem kemur í góðar þarfir þegar verkefnið gögnum í skólanum hefst formlega á morgun. Nauðsynlegt er að vera vel merktur í umferðinni nú þegar skyggja fer. Barn með endurskin sést betur í skammdeginu en hafi það ekki endurskin. Vestin eru gefin í forvarnatilgangi og eiga að nýtast hið minnsta næstu tvö árin. Það er góð regla að setja skólabarnið í vestið áður en skólataskan er sett á bakið. Hvoru tveggja á að vera jafnsjálfsagt. Tökum höndum saman og aukum öryggi barnanna okkar í umferðinni. Sjáum til þess að öll börn séu vel upplýst í skammdeginu!

Nemendur og starfsfólk Varmárskóla safnaðist saman fyrir utan eldri deildina og söng þar og trallaði með Friðriki Dór. Fyrst talaði Haraldur bæjarstjóri til allra og sagði frá því að öll börn í Mosfellsbæ fengju buff í hverfislitunum og óskaði bæjarbúum til hamingju með 30 ára afmælið. Friðrik Dór hélt svo uppi gríðarlega góðri stemmingu og krakkarnir tóku vel undir. Hér eru myndir.