Fréttir

Í dag fer í loftið ný heimasíða fyrir Varmárskóla. Talsverðar breytingar eru á útliti síðunnar og efnisflokkun. Breytingarnar eru gerðar með þarfir notenda í huga og með það fyrir augum að hún sé fyrst og fremst upplýsingaveita um það starf sem fram fer í Varmárskóla. Breytingarnar á útlitinu eru gerðar í samræmi við það sem tíðkast í ört breytilegu umhverfi í vef- og tæknimálum og síðan er "skalanleg" þ.e. hún er hönnuð með það í huga að auðvelt sé að nota hana í snjalltækjum.

Þá er komið að fyrsta opna húsi vetrarins hjá Skólaskrifstofu Mosfellsbæjar sem verður haldið miðvikudaginn 28. október klukkan 20 í Listasal Mosfellsbæjar. Á þessu fyrsta opna húsi vetrarins ætlar Hermann Jónsson að fjalla um umferðarreglurnar á netinu. Eins og fram hefur komið, er á opnum húsum lögð áhersla á hagnýt ráð varðandi uppeldi og samskipti við börn og unglinga.

Hér er uppskrift af hollari haframjölskúlum sem slógu í gegn á þemadögunum. Góðar haframjölskúlur sem börnin geta bakað. Á síðunni www.eldumsaman.is er að finna fræðandi kennslumyndbönd sem börn geta nýtt sér við matreiðslu og bakstur.

Það verður að segjast eins og er að þemadagarnir í Varmárskóla þar sem öllum nemendum í 1.- 10. bekk var blandað saman í hópa tókst frábærlega. Elstu nemendur voru hópstjórar og þeir eiga heiður skilið hversu vel tókst til. Elstu krakkarnir okkar voru ótrúlega þolinmóðir, ábyrgðarfullir og jákvæðir í flestum tilvikum. Takk fyrir þetta krakkar.

Dagana 7. - 10. október verða þemadagar í Varmárskóla hjá 1. - 10. bekk. Við vekjum athygli foreldra á að skóladeginum lýkur kl. 13:10 þessa daga og leggjum áherslu á að nemendur komi klæddir eftir veðri. Yfirskrift þemadagana er Heilbrigði og velferð. En heilbrigði og velferð er einn af fimm grunnþáttum menntunar og Mosfellsbær er heilsueflandi samfélag.

Vinaliðaverkefnið er norskt að uppruna, það hefur á fáum árum náð mikilli útbreiðslu og er nú starfrækt í yfir 1000 skólum í Noregi. Vinaliðaverkefnið gengur út á það að hvetja nemendur til meiri þátttöku í afþreyingu í frímínútunum og skapa betri skólaanda. Við byrjuðum með 4. -6. bekk en svo er gert ráð fyrir að nemendur í 7.-10. bekk taki þátt í þróun Vinaliðaverkefnis í eldri deild. Aðal markmiðið með þessu verkefni er að bjóða öllum nemendum skólans fjölbreyttara úrval afþreyingar í löngu frímínútum, þannig að bæði yngri og eldri nemendur skólans finni eitthvað við sitt hæfi. Markmið okkar er að allir nemendur skólans hlakki til að mæta í skólann sinn, alla daga.

Það er ekki of oft kveðin vísa að heilbrigð og góð tengsl milli foreldra/forráðamanna og barna eru mikilvæg þroska og líðan barna. Barn sem fær allar sínar grunnþarfir uppfylltar eða nýtur ástar og umhyggju, fær næga næringu og finnur fyrir öryggi myndar að öllum líkindum góð tengsl við foreldra sína eða umönnunaraðila.

Varmárskóli fékk á dögunum góða heimsókn frá Narsaq á Grænlandi. Hópurinn samanstóð af 20 börnum og 4 kennurum, krakkarnir eru 13 ára gamlir. Grænlenskir skólar standa fyrir þessum námsferðum með grænlenska krakka, en allir nemendur fara í slíka ferð einu sinni á grunnskólagöngu sinni. Algengasti aldurinn er 11-13 ára. Þessar ferðir eru farnar til þess að víkka sjóndeildahring grænlenskra barna þar sem Grænland er heimurinn og allt utan þess er mjög framandi fyrir þau. Þetta er einnig hluti af aðlögun fyrir þau þar sem ef Grænlendingar vilja mennta sig frekar eftir grunnskólagöngu sína þá þurfa börn að fara 16 ára gömul til Danmerkur í framhalds- og háskóla.

Sjálfboðaliðar aðstoða börn í 3. - 6.bekk með heimanám og skólaverkefni. Létt og afslappað andrúmsloft þar sem hver og einn fer á eigin hraða. Tilvalið fyrir börn með námsörðugleika, eða hafa íslensku sem annað tungumál - nú eða bara vilja klára lærdóminn snemma í vikunni.

Margt er í boði fyrir börn og ungmenni í Mosfellsbæ. Á síðunni okkar frístundatilboð má sjá það helsta sem skólinn hefur verið beðinn um að koma á framfæri við börn og foreldra. Endilega kíkið á úrvalið.